專才置業按揭 | 專才置業按揭注意事項
近年政府推出多個計劃「搶人才」，包括「高端人才通行證計劃」(高才通)、「優秀人才入境計劃」(優才)同「輸入內地人才計劃」(專才)等。截至2023年10月底，各項人才計劃總共收到超過18萬宗申請，當中超過11萬宗已經獲批，約7萬人已經嚟咗香港。根據早前政務司長提到，獲批嘅人才有三分二係嚟自內地。
為咗吸引專才留喺香港發展，政府推出政策降低佢哋嘅置業門檻，最新內地人喺香港買樓同申請按揭嘅時候，有邊啲注意事項呢？
為咗吸引專才留喺香港發展，政府推出政策降低佢哋嘅置業門檻，最新內地人喺香港買樓同申請按揭嘅時候…
有邊啲注意事項呢？
專才置業按揭 | 未放寬前的印花稅
過往非港人喺香港置業，須要繳付15%「買家印花稅」(BSD)同埋15%「新住宅印花稅」(NRSD)，相比起首次置業嘅香港永久居民只須要按「第二標準稅率」繳付「從價印花稅」(AVD)，非港人置業嘅門檻比較高。
政府喺2022年10月19日發表嘅《施政報告》入面，提出針對合資格外來人才置業嘅以上兩項印花稅可以「先繳後退」，適用於當日起簽署嘅買賣合約。即只要「合資格外來人才」喺香港居住滿七年成為香港永久居民後，就可以向政府申請退還扣除以「第二標準稅率」計算嘅印花稅餘額。
專才置業按揭 | 由「先徵後退」改為「先免後徵」
2023年10月25日嘅政府《施政報告》進一步降低外來人才置業門檻，將「買家印花稅」同「新住宅印花稅」嘅稅率減半，由15%減到7.5%。同時將以上印花稅嘅徵收安排由「先徵後退」改為「先免後徵」。換言之，由當日起外來人才簽訂嘅首置物業買賣合約，可以暫時獲豁免收取「買家印花稅」同「新住宅印花稅」，只須要好似香港永久居民咁按照「第二標準稅率」繳付「從價印花稅」(AVD)，一旦未能成為香港永久居民先至須要補交「買家印花稅」同「新住宅印花稅」。
專才置業按揭 | 「先免後徵」實例
以800萬元嘅單位為例，喺之前「先徵後退」安排下，外來人才須繳付嘅稅款為800萬X (15%買家印花稅＋15%新住宅印花稅)＝240萬元，而喺最新嘅「先免後徵」安排下，須繳付嘅稅款係800萬X (3.75%從價印花稅)＝$30萬，可以慳番成87.5%咁多。
專才置業按揭 | 何謂「合資格外來人才」
所謂「合資格外來人才」，係指通過「指定輸入人才計劃」入境香港嘅非香港永久性居民。而「指定輸入人才計劃」包括「一般就業政策」、「輸入內地人才計劃」、「優秀人才入境計劃」、「科技人才入境計劃」、「非本地畢業生留港／回港就業安排」、「輸入中國籍香港永久性居民第二代計劃」同埋「高端人才通行證計劃」。
即使係非「合資格外來人才」，甚至主要收入嚟自香港以外地區嘅內地人士，喺金管局自2023年7月7日放寬物業按揭措施後，按揭成數同「供款與入息比率」上限嘅要求都降到同港人差唔多。
專才置業按揭 | 按揭成數
以往如果按揭貸款申請人嘅主要收入嚟自香港以外地區，佢嘅按揭成數上限同「供款與入息比率」上限須要下調10個百分點，但現時相關要求已經取消。
先講按揭成數，以首置自用住宅物業為例，1,500萬元或以下嘅按揭成數可高達70%；1,500萬以上至3,000萬元嘅按揭成數上限為60%；3,000萬元以上嘅按揭成數上限就維持喺50%。至於非自用住宅物業，按揭成數上限都維持喺50%水平。「供款與入息比率」方面，首置自用物業按揭嘅基本入息要求係每月供款佔入息唔多過一半；假設利率上升2個百分點，每月供款佔入息比例唔可以多過60%。
【2023放寬按揭】一文看清│2023按揭新修訂│按揭成數計算、按保計劃懶人包！
「呼吸Plan」/供款假期計劃/ 免息免供計劃/ 漸進式按揭等，是危還是機？
想了解更多有關按揭資訊，歡迎留言比利嘉閣按揭按揭專員！
延伸閱讀：內地賺錢、在港買樓 1個關鍵獲批高成數按揭 | 樓市 | 黃詠欣
延伸閱讀：買樓攻略2023｜中港通關刺激樓市！用內地入息於香港置業做按揭注意事項一覽
【按揭新手懶人包】身處香港境外人士 / 已持有海外物業人士 按揭須知
【按揭新手懶人包】非本地收入 / 身處境外/ 內地人士最新按揭資訊
利嘉閣選擇揭開與坊間關係銀行的中介，是最大的不同，是有很多複雜的部分/曲折離奇的案例，我們都排除萬萬，出盡100%戰鬥力幫手！
利嘉閣按揭轉介熱線：2836 6121 / 2836 6183
WHATSAPP : 5662 2730
Email: mortgage@ricacorp.com
利嘉閣‧按揭易APP 提供一站式按揭服務及資訊，集「按揭計算機」、按揭轉介申請及免費預先評估於一身，助您輕鬆完成按揭流程。
下載 利嘉閣按揭易 app 無需露面，可做免費按揭預先評估：
IOS user: http://apple.co/1Nbxhzo
Android user: http://bit.ly/1IJhbJb
