按揭嘅嘢，今時今日又真係好難要求個個都識嘅……唔緊要，有利嘉閣按揭專員Ray同大家陳詞：
點解要有「按揭」？
由於物業普遍嚟講係一項價值唔低嘅資產，如果要一次過支付物業價格嘅全數，並非人人都輕易負擔得到；即使買家有能力「full pay」，如果唔使一炮過畀晒，可以分期畀，騰出啲資金做其他嘢，相信好多買家都會選擇慢慢畀。喺呢個時候，「按揭」就可以幫到手喇！
「按揭」嘅定義
「按揭」係一種「有抵押貸款」，將物業作為抵押品，向銀行或者財務機構借取貸款，用嚟償還購買物業須支付嘅價格。
借貸人同銀行或財務機構會就住貸款額、貸款利率、還款年期等等制訂貸款嘅條款細節，而借貸人須要按時分期向提供貸款嘅銀行或財務機構還款。
一旦借貸人未能如期還款，銀行或財務機構可以取消借貸人贖番物業嘅權利，並有權收回物業用嚟放售或出租，以彌補收唔到還款嘅損失。
正因為提供貸款嘅金融機構有抵押品喺手，所以樓宇按揭嘅息率可以比其他種類嘅貸款低啲。
不過，「按揭」又點止咁簡單吖，淨係種類都分「私人物業 VS 資助房屋」、「H按 VS P按」、「定息 VS 浮息」、「一按 VS 二按」等等，仲要有埋「高成數按揭」、「按保」呢啲……所以講多次，按揭嘅嘢，今時今日又真係好難要求個個都識㗎！
延伸閱讀：按揭成數點計先最抵？按揭新手懶人包 ─ 按揭成數篇
延伸閱讀：【按揭新手懶人包】高成數按揭保險篇 ( 新按保/ 原按保計劃)
買樓前必要知的按揭申請流程：【按揭新手懶人包】 ─ 按揭流程篇
利嘉閣選擇揭開與坊間關係銀行的中介，是最大的不同，是有很多複雜的部分/曲折離奇的案例，我們都排除萬萬，出盡100%戰鬥力幫手！
利嘉閣按揭轉介熱線：2836 6121 / 2836 6183
WHATSAPP : 5662 2730
Email: mortgage@ricacorp.com
利嘉閣‧按揭易APP 提供一站式按揭服務及資訊，集「按揭計算機」、按揭轉介申請及免費預先評估於一身，助您輕鬆完成按揭流程。
下載 利嘉閣按揭易 app 無需露面，可做免費按揭預先評估：
IOS user: http://apple.co/1Nbxhzo
Android user: http://bit.ly/1IJhbJb
