近日財爺陳茂波話，考慮再放寬首次置業按揭成數比例。
如果想趁「波叔Plan」一旦真係升級時「上車」，
就要預先做定功課喇！
想知自己符唔符合申請按揭資格，最主要睇實三樣嘢：
按揭注意三大事項 | 供款能力
根據金管局規定，按揭申請人要通過「月供比率」及「壓力測試」，銀行先可以批按揭畀佢。
假設申請人係首次置業，「月供比率」嘅要求，即係「每月供款金額」佔「每月入息」唔可以多過一半；而「壓力測試」嘅意思，即係喺目前按揭利率水平上，額外加多2厘後嘅「每月供款金額」佔申請人「每月入息」唔可以多過60%。
想計吓自己手上儲嘅錢加埋目前嘅月入，可以負擔到幾錢嘅樓？打開「利嘉閣供樓按揭計算機」，輸入簡單條件，條數就一目了然喇！
按揭注意三大事項 | 按揭批核條件
即使供款能力過到關，想成功申請按揭，仲要滿足到銀行或財務機構嘅其他批核條件，例如申請人嘅工種、入息是否穩定、能否提供齊全嘅申請文件等。
提交按揭申請嗰陣，除咗了要提交身份證明文件外，仲要提交物業臨時買賣合約、銀行月結單、入息證明等。
如果申請人嘅入息並非固定月薪，而係浮動嘅，例如日薪「散工」、自僱人士；或者係佣金花紅佔咗收入好大部分嘅申請人，例如保險從業員等，銀行審批按揭時會較為審慎。
申請人有機會需要提交更長時期嘅銀行月結單，或者用財務報告代替「糧單」，盡量畀銀行掌握多啲資料去證明申請人嘅財政能力。
除咗申請人嘅財政狀況及供款能力，銀行或財務機構審批按揭時，仲會考慮埋物業嘅情況。唔同種類嘅物業，獲批嘅按揭成數可能會有唔同；例如，村屋嘅按揭成數通常會比屋苑單位低一啲；而凶宅、有僭建物嘅物業或者樓契有缺失嘅單位，甚至有機會被個別銀行拒絕批出按揭添。
由於每間銀行或財務機構嘅按揭批核條件都有自己嘅一套標準，想揀番一間適合自己情況嘅，梗係問吓日日都同相關機構職員打交道嘅利嘉閣按揭專員啦！
按揭注意三大事項 | 查閱信貸報告
其中一樣銀行或財務機構審批申請時會參考嘅，就係信貸報告，上面有申請人過往嘅信貸紀錄同還款習慣。
如果曾經破產、長時間拖欠信用卡卡數，或喺短時間之內申請多張信用卡同私人貸款等，導致信貸評級差，有機會影響物業按揭申請，所以買樓前，最好預先做好資產及債務整理，先還清卡數同私人貸款，提升信貸評級。
即使信用評級真係比較差，或曾經破產，都唔一定無得傾。利嘉閣按揭專員就曾經幫過有呢個情況嘅業主，整理好入息證明文件，成功向銀行爭取批到按揭。如果有咩想問，即刻搵我哋傾吓啦！
延伸閱讀：按揭成數點計先最抵？按揭新手懶人包 ─ 按揭成數篇
延伸閱讀：【按揭新手懶人包】高成數按揭保險篇 ( 新按保/ 原按保計劃)
買樓前必要知的按揭申請流程：【按揭新手懶人包】 ─ 按揭流程篇
利嘉閣選擇揭開與坊間關係銀行的中介，是最大的不同，是有很多複雜的部分/曲折離奇的案例，我們都排除萬萬，出盡100%戰鬥力幫手！
利嘉閣按揭轉介熱線：2836 6121 / 2836 6183
WHATSAPP : 5662 2730
Email: mortgage@ricacorp.com
利嘉閣‧按揭易APP 提供一站式按揭服務及資訊，集「按揭計算機」、按揭轉介申請及免費預先評估於一身，助您輕鬆完成按揭流程。
下載 利嘉閣按揭易 app 無需露面，可做免費按揭預先評估：
IOS user: http://apple.co/1Nbxhzo
Android user: http://bit.ly/1IJhbJb
