小編去年與大家分享過「白居二」按揭注意事項，不過隨著銀行近月加按息兼削回贈，影響的不單單係私樓，二手未補價的居屋買家，都一樣受影響，特別是新一批「白居二」買家，更要密切留意！
注意位１：借款人年齡
買私樓，一般是用75歲減買家年齡，最長的貸款年期不多於30年。
至於買入二手未補價嘅居屋／公屋，最高是可以用100歲，甚至105歲去減！我們便曾幫90歲婆婆批出白居二按揭 ( 貸款年期只有15年 )。
不過，近日已有多家大型銀行收緊這個年齡限制，與私樓睇齊！不排除陸續有銀行會跟住收緊！
注意位2 ：首次買入年期！
「白居二」最高可以申請25年年期按揭，但你要留意做唔做得足25年，關鍵在於「首次出售年期」。銀行慣常計法：是「提取貸款日期」減「首次發售年期」(eg: 2019年-2000年= 19年)，少於19年便好大機會批出25年免壓力測試的按揭。【詳情參考：#白居二按揭攻略 之 樓齡的重要性http://mortgage.ricacorp.com/surewin.php?id=115 】
超出19年，但少於24年，便可能要減貸款年期。如超出24年，便要當作私樓按揭一般，最高只可以貸款60%，而且要做壓力測試，要交齊入息證明，兼且不能加擔保人。(如貸款人已有按揭在身，按揭成數要再降一成至50%)
過往有銀行曾經鬆手做到用 40年去減 「首次發售年期」，不過現時已經極少銀行會這樣做！明顯無之前那麼「鬆手」。
注意位3：按揭優惠少過私樓？
以往「白居二」按揭息率及現金回贈，基本上與私樓相同。不過，近月銀行削私樓按揭優惠時，都同時削減居屋按揭優惠，仲要減幅多於私樓！
現時，「白居二」買家只可以用P按，最低實際按息為 2.475%，現金回贈1% – 1.8%，但小編收到風，有大型銀行正吹風，明年的「白居二」實際按息會加至 3.125%！！！
不論是趕緊上一批「白居二」尾班車，或者是新一批「白居二」準買家，都要密切留意銀行按揭變化，做好預算！
想了解仲有邊啲銀行優惠最多，息口最低，即刻搵我哋嘅格價專員幫你手！ 可按你需要度身訂造至 FIT你嘅按揭計劃！下一篇會講解下買未補價「居屋」與「公屋」，按揭上有邊啲分別！記得留意！
——————————————
按揭轉介熱線: 2836 6121 / 2836 6183
WHATSAPP: 9608 3114 wa.me/85296083114
