從前有個住喺森林入面嘅小編，聽到仙女教母話有個身家過億嘅王子客人，差啲借唔到按揭，小編即刻心諗：「佢借唔到按揭唔緊要，佢有冇女朋友？」真係聽到都心動，但小編唔會淨係介紹佢有幾錢身家嘅，重點係就算你有屋企人加持，比咗過億身家你喺手，銀行都係會對你保持觀望態度㗎！
事關王子雖然只有廿幾歳，但已經擁有幾個物業資產，今次只係想買多間大概5300萬嘅物業借四成按揭，所以就打算用資產審批嘅方法去申請！
資產1) 大概2500萬嘅物業
資產2) 大概5100萬嘅物業資產
資產3) 大概5300萬嘅Cash資產
資產4) 搵埋媽咪做擔保人結論都係唔夠
銀行都係需要佢提供首期證明以及屋企人送贈比佢嘅幾千萬Cash嘅聲明信，去證明父母係真係有送過咁多資產比阿仔先，先可以考慮批出按揭！原因係銀行會懷疑王子嘅資金來源係咪正當，首期會唔會係由其他財務公司借, 或者係不法資金等等，所以先要check得咁嚴！所以就算有錢都唔好咁老定呀！都係嗰句！有問題可以搵小編傾下！
